Bodegas Terrasgauda, S. A.
PROXECTOS I+D+I de TERRAS GAUDA
Bodegas TERRAS GAUDA fixo una forte aposta polo I+D+i como elemento diferenciador nunha procura constante de achegar maior calidade e singularidade aos seus viños e lograr colleitas máis regulares.
Por mor do interese que sempre amosou TERRAS GAUDA cara á investigación e mellora continua, e aproveitando os recursos naturais que nos ofrece a nosa zona de producción, expúxose a necesidade de seguir varias liñas de investigación cunha clara aplicación práctica.
Os nosos proxectos
Selección clonal de uva Albariño
-
Bodegas TERRAS GAUDA puxo en marcha este proxecto en 1992, enxertando 115 clons de uva Albariño nunha parcela. A partir de 2002 o proxecto realízase en colaboración co Consello Superior de Investigación Científicas (CSIC).
- Despois de seleccionar 31 clons, realizamos os estudos de campo necesarios, incluída a súa resistencia a enfermidades. Microvinificamos estes clons na adega experimental para analizarmos as diferenzas en mostos e viños relativas ao seu grao, acidez e nivel de maduración, así como as súas diferentes calidades aromáticas.
- A conclusión final é que en futuros enxertos utilizaremos unha combinación de entre os 4 e 6 clons que mellor se comportaron en campo e que unha vez vinificados mellor mostran a singularidade dos viños de Bodegas TERRAS GAUDA.
Selección e illamento de lévedos ecotípicos
- Bodegas TERRAS GAUDA é a única adega que dispón dun lévedo de Albariño de seu patentado co CSIC. Foi illado e seleccionado entre 5 tipos diferentes do propio viñedo, após unha investigación de catro anos na que se demostrou que reforza o carácter dos seus viños, e os recendos froiteiros propios da variedade.
Maceración das 3 variedades de uva: Albariño, Loureiro e Caíño Branco
- O obxectivo é optimizar o recurso da maceración en variedades aromáticas, para comprobar se é posibel marcar aínda máis as características que fan singulares as nosas variedades e os nosos viños.
Efecto das manoproteínas de lévedo sobre os nosos viños
-
Estudaremos o efecto da crianza sobre lías e a autólise dos lévedos nas características sensoriais e na tipicidade dos viños obtidos. Con iso pretendemos redondear os nosos viños, incrementando o seu corpo e potenciando a fixación dos seus compostos aromáticos..
- Por último, un parámetro que consideramos fundamental para a nosa investigación, como é o dos aromas dos viños procedentes de cada un dos clons, presentou notábeis diferenzas tanto na análise por cromatografía de gases como na cata realizada para cada un dos viños. Aínda que resulta complicado resumir as diferenzas, debemos sinalar que os aromas dominantes para cada viño variaron desde os nítidos recordos cítricos até os marcados florais, pasando por viños cun forte carácter balsámico.
Por outra banda, TERRAS GAUDA actúa como empresa colaboradora co Centro Superior de Investigacións Científicas (MBG) (www.mbg.csic.es) nun proxecto coordinado sobre a Recuperación e estudio de variedades autóctonas minoritarias de vide, orientado cara ao noso Caíño Blanco. Nel asesoramos en todo o que se refire ás microvinificacións e ás análises químicas e organolépticas.
