Bodegas Terras Gauda, S.A.
Glosario
A
B
C
D
E
F
G
H
I
L
M
N
O
P
R
S
T
U
V
X
Z
P
- Pale cream:
- É un viño doce da cor do fino.
- Pale dry:
- É un viño fino.
- Pálido:
- Aplícase ós viños brancos de baixa intensidade cromática.
- Palo cortado:
- Categoría intermedia entre o xerez amontillado e o oloroso. Ten o perfume
do primeiro e o padal do segundo. É moi escaso.
- Palloso:
- Dise do viño branco de cor clara, coma a palla.
- Pasificación:
- Cheiros que recordan os das uvas pasas desenvolvidos en viños elaborados
con uvas demasiado maduras.
- Pastelería:
- Aroma entre doce e tostado no que aparecen certos matices de vainilla e
azucre acaramelado, característicos da pastelería acabada de saír do forno.
É un distintivo que aparece nos viños de longo avellentamento en carballo,
froito da evolución oxidativa e da acción dos compostos odoríferos das perfias
de carballo.
- Pastoso:
- É un sabor doce e denso.
- Pé:
- Viño que se obtén sometendo o bagaño a presión por medio da prensa.
- Pel de laranxa:
- Aroma a un tempo picante e froiteiro de certos viños.
- Pelello:
- Pel da uva.
- Pelello maduro:
- É o aroma semellante ó que desprende unha uva tinta moi madura que estrullamos
cos dedos, ou ben o que se desprende da acumulación de acios prensados.
- Persistencia:
- Duración das sensacións que o viño produce no nariz e no padal.
- Pintar:
- Comezar a madurar as uvas.
- Posgusto:
- Aroma e sabor que permanece na gorxa e na vía retronasal despois de tragar
o viño.
- Puntas de alcohol:
- Lixeiro exceso de alcohol que se aprecia na lingua pero que non dana en
conxunto.
- Punzante:
- Unha nota aromática destacada, revelada polo compoñente alcohólico, madeira
e flor dos viños finos.