Glosario

A   B   C   D   E   F   G   H   I   L   M   N   O   P   R   S   T   U   V   X   Z

Letra A

 

 

Abafado:
Dise do viño resultante da adición de alcohol puro de viño ó mosto para deter a fermentación, preservando así unha dose de azucre residual, característica dos viños licorosos naturais. Os viños xenerosos tamén se abafan.

Aberto:
Cando o viño ten pouca cor e pouco equilibrio en boca.

Abocado:
Viño moderadamente doce.

Acaramelado:
Olor a caramelo queimado que se pode detectar nos viños con moita crianza: reservas e grandes reservas.

Aceirado:
Cor pálida de brillos metálicos que permite identificar algúns viños brancos.

Acetona:
Na mesma familia das características do verniz. É o cheiro parecido ó verniz de uñas característico das augardentes moi vellas.

Acido:
Acedo. Viño no que predomina o sabor ácido debido ós ácidos naturais procedentes da uva ou da fermentación.

Aerobia:
Proceso biolóxico que require a presencia de osíxeno.

Afroitado:
Dise dun viño que ten aromas de froitas (pexego, albaricoque, plátano, grosella, framboesa, amorodo, cereixa, cirola, moras, etc.).

Agulla:
Presencia de carbónico natural (burbullas), que aparece en certos viños novos.

Albariza:
Palabra española que designa o solo de cor moi clara, rico en carbonato cálcico, típico da zona de Xerez.

Alcohólico:
Nota predominante no aroma, sen chegar a ser excesiva.

Aldehídico:
Sensación alcohólica e ó tempo rancia que se dá nos viños vellos de gran poder alcohólico e que tiveron un avellentamento oxidativo.

Alegre:
Cando un viño é vivaz, ten un aroma limpo e acidez fresca. Dise tamén dos viños espumosos que teñen unha agradable burbulla.

Alfarroba:
Notas doces e tostadas á vez (que lembran á leguminosa deste mesmo nome) cunha implicación rústica. Dáse nos brandis avellentados en soleras de Pedro Ximénez.

Amargo:
Apréciase na parte posterior da lingua e non debe confundirse co sabor do tanino.

Amargoso:
Matiz amargo, sen ser excesivo, frecuente nos finos, amontillados e nos brancos de Rueda.

Ambar:
Primeira fase de avellentamento dos brandis e rons (ton entre amarelo e arrubiado).

Ambarino:
Tonalidade dalgúns viños brancos causada pola oxidación.

Amendoado:
Sabor a améndoa que aparece en viños tintos novos elaborados con maceración carbónica. Tamén pode reflectir algunhas alteracións coma exceso de oxidación nos viños brancos, ou o "gusto de luz" dos viños espumosos mal conservados.

Amontillado:
Viño xeneroso de Xerez, de dourado a ambarino, cun sabor seco que lembra a abelá, e un contido alcohólico entre 17º e 18º.

Amorodo:
Aroma froiteiro que aparece en certos viños tintos ou rosados e nalgúns viños do Porto. Tamén pode encontrarse en viños espumosos elaborados con uva Pinot Noir.

Amplo:
Un viño completo, pleno, abundante en matices.

Anada:
Ano en que se vendimou o viño. Debe figurar na botella.

Andana:
Nome que se lle dá nalgúns lugares de España á fila de barricas ou bocois aliñados nas naves ou cavas de crianza.

Anello:
Viño criado en barricas ou en botellas, polo menos durante tres anos.

Animal:
Aroma, xeralmente non positivo, producido por unha longa conservación en botella.

Astrinxencia:
Sensación que provoca unha contracción nas papilas e que se engancha ó padal, debido ós taninos do viño, que se vai moderando coa crianza.

Ataque:
É a primeira impresión sensorial que o viño produce no padal.

Aveludado:
Suave, de tacto agradable e sedoso, sobre todo nos viños tintos.