• Quen somos  
• A Adega  
• Abadía de San Campio  
• Terras Gauda  
• Terras Gauda Etiqueta Negra  
• Os nosos destilados  
• Visita virtual  
• Percorrido pola Web  
• Glosario  
• Calificación das Anadas  
• A Cata do viño  
• I + D  
• Novas  
• Premio Internacional    
  "Francisco Mantecón"  
• Contacto  

Viñedos y Bodegas

PRESENTE E SIRVA O VIÑO ADECUADAMENTE

Comprobe que os caldos son os elixidos, lendo as etiquetas e contraetiquetas. As botellas deben estar limpas, sen axitar e á temperatura correcta. Ordéneos segundo a súa preferencia. Como orientación podería ser : brancos, rosados, tintos, de licor, espumosos. Dentro de cada grupo, de novos a vellos.

Tírelle a rolla ás botellas correctamente. Corte a cápsula e limpe a parte descuberta. Manteña a botella vertical, sen movela, e use un bo tirarollas, sen chegar a furar o tapón completamente. Tras sacalo chéireo e comprobe que non hai anomalías claras. Volva limpar o colo e a boca da botella. Use copas limpas e transparentes, que non teñan olores estraños, enchéndoas na terceira ou cuarta parte e colléndoas polo pe da columna.

Faga a cata en local limpo, con boa luz, silencioso, sen cheiros fortes (tabaco, perfumes, etc.) e sobre mesas de superficie branca. Dispoña medios auxiliares coma auga para lavar copas ou enxaugar a boca, pan, recipientes para expulsar o viño catado, etc. Lembre que o catador debe gozar de bo estado de saúde para tan nobre tarefa (descansado, non arrefriado, sen preocupacións, etc.) e mellor sen ter almorzado ou con apetito. Se fuma, haberá deixar pasar polo menos media hora desde o último cigarro.

FAGA A CATA CON ATENCION

Empregue os cinco sentidos, por esta orde:

• Oído: Aprecie o son durante o servicio e terá idea do fluído ou viscoso que é o caldo.
  
  
• Vista: Ademais da cor e o ton, valore:
      - Transparencia ó transluz.
      - Brillo na superficie.
      - Matices, coma irisacións, ´reas oleosas, etc.
      - Menisco ou unión da superficie coa copa.
      - Lágrimas ou descenso do viño pola parede da copa tras axitalo.
  
  
• Olfato: Goce do aroma e o bouquet, primeiro en repouso e despois trala súa axitación circular ou brusca, esta última tapando a copa coa man.
  
  
• Gusto: Distinga a intensidade, equilibrio e duración do sabor, cos seus matices de doce, amargo, ácido e salgado, así coma a súa inmaturez ou crianza, avellentamento ou reserva, suavidade ou arestas, fructuosidade, etc.
  
  
• Tacto Bucal: Na lingua, padal, dentes e enxivas. Perciba, segundo o viño, sensacións distintas do sabor tales coma aspereza, finura, cor, frescor, oleosidade, proído, etc.

OBSERVACIONS FINAIS

Faga a súa clasificación persoal dos viños, con independencia de opinións alleas a vostede (propaganda, fama, tradición, etc.). Aprenda a valorar os viños degustándoos e non bebéndoos indiscriminadamente. Non esqueza que o viño é un alimento con dimensión estética que non ten por fin principal calmar a sede, senón xerar un pracer san. Á vez ten propiedades saudables e outros elementos de indubidable valor, sendo vehículo de convivencia e relación humana, tomado con moderación. Anímese coa súa familia e amizades a realizar actividades de cata e a valorar as sensacións. Os viños con Denominación de Orixe son garantía de autenticidade e calidade, por estar sometidos a normas técnicas de producción e elaboración e por estar controlados adecuadamente.